Mobile Phone Me Internet Data Save Karne Ki 10 Jabardast Tips

Data saving tips: Kya aap mobile me internet istemal karte hai or jyada internet data kharch hone se pareshan hai or aap koi aesa tarika janna chahate hai jisse aapke mobile par net pack kam se kam kharch ho or aap minimum data par adhik time tak internet chala kar data save kar sako. Agar ha to ye post aapke liye hi hai aaj main aapko android phone, smartphone me internet data save karne ke 10 best tips bta raha hu.

Mostly smartphone user ko mobile phone me interne data pack jaldi khatm hone ki problem hoti hai. Iska solution pane ke liye mobile users kei type ke nuskhe istemal karte hai but sabhi success nahi hote or user ki data save problem fir bhi bani rahti hai. Bahut se log iske liye kuch android apps istemal karne ki salah dete hai.

• Mobile Phone Me High Internet Speed Nahi Milne Ki 10 Wajah
• Mobile Phone Se Bina Antivirus Ke Virus Delete / Remove Kaise Kare

But main aapko kisi data save application software ke bare me nahi 10 aese tarike bta raha hu jinhe maine khud bhi try kiya hai or mujhe in sabhi se positive results mile hai. So main aapse bhi kah sakta hu ki aap bhi inhe try kijiye yakinan aapko bhi inse fayda hoga or aap apne mobile ka internet bill kam kar sakte hai. Aap in tips ko 2G, 3G, 4G sabhi network par follow kar sakte ho. Sabhi par achha result milega.

Android Mobile Me Internet Bill Kam Karne Ke 10 Effective Tarike – Top Data Save Tips in Hindi

Sabse achhi bat ye hai ki in tips ko follow karne se na sirf aapke mobile par internet data kam kharch hoga balki aapke phone ki battery life bhi badhegi or aap data ke sath mobile bhi jyada time tak use kar sakoge. Battery problem hai to aap ye tips follow kare Smart Phone Ki Battery Life Badhane Ke 10 Battery Saver Android Apps.

Follow below tips to save your mobile internet data:

1. Off Auto Updates Apps:

Android me agar aapne gmail ID se log in kiya hua hai to aapke internet enable hone par android apps automatically update hotne shru ho jate hai. Isse na sirf aapka internet data kharch hota hai balki internet speed down ho jati hai or browsing slow hone lagti hai. Sath hi ek bar me sabhi apps ka update enable hone se phone garm hone lagta hai or  isse mobiel battery bhi kharam ho sakti hai.

Iske liye aap mobiel setting me jaye ya fir google play store ko open karke setting me jaye or auto upate apps option par click karke “Do not ato-update apps” ya Auto-update apps over Wi-Fi only” select kare.

2. Off Whatsapp Auto Download Media Feature:

Whatsapp me auto download media feature hota hai. Jisse aapke mobile me photos, images, videos file automatically download hoti rahti hai. Aaj ke time me har ek smart phone user whatsapp ka istemal karta hai so agar aapke whatsapp app me auto download media feature active ha to is deactivate kare.

Iske liye aap whatsapp >> settings >> data usage option par jaye yaha aapko network usage, media auto-download ka feature mil jayega. Aap yaha par Photos, Audio, Videos, Documents ko apni jarruat ke anusar select kar sakte hai.

Aap yaha par when using mobile data, when conncted on WI FI and when roaming ke anusar data saving feature istemal kar sakte ho.

3. Set up Manual Mail Sync:

Mobile me gmail account se sign in karne ke bad bahut si service enable ho jati hai. Google drive, Gmail, Google Contact, Google file data, Google play books, app data, Calendar, Google play magazine, Google+, Google photos jaise bahtu sari services automatically sync hoti rahti hai. Inme se aap jinka istemal kam karte ho ya nahi karte ho un par sync off kar de.

Iske liye aap mobile settings >> accounts me jaye or email account par click kare. Ab sabhi features aapke samne honge. Jinki aapko jarurat nahi hai un sabhi par sync off kare. Mostly aapko gmail band karna hai kyuki gmail par unused mail aate rahte hai.

4. Off Facebook & Twitter Auto Play Feature:

Disable twitter and facebook videos auto play feature: Agar aapke mobile me koi bhi social media website ka app install hai to uski setting me kar auto paly ko band kare. Example, aapne dekha hoga ki jab hum mobile me facebook, twitter and other social site ka open karte hai hai to usme videos automatically play ho jate hai.

Isse aapka data usage kam hota hai. Aap app ki setting me ja kar ise disable kar sakte ho.

5. Use Offline Google Map:

Main aapko btana chahunga ki ab aap google map ko offline bhi istemal kar sakte ho. Google map par ab aap 130,000 sq km area ka area-map save kar sakte ho or mujhe lagta hai ki isse lagbhag sabhi ki jarurate puri ho sakti hai. Sath hi aapko responsive navigation menu bhi milta hai kiski help se aap aasani se map istemal kar skate ho.

Abhi google ki ye service har location par available nahi hai but kuch time bad aap sabhi iska istemal kar sakoge. Isse aap internet data ke sath sath battery backup bhi bacha sakte ho.

6. Use Opera Browser or Opera Max App:

Simple hai aap internet use karte ho to kisi na kisi browser ka istemal to karte hi ho or generally internet user google chrome browser ka hi istemal karte hai. But main aapko suggest karunga ki aap opera browser ya opera max app ka istemal kare. Inme data saving ka feature hota hai jiseenable kar aap mobile data khatm hone se bacha sakte ho.

ye app or browser android, iOS, iPad, Windows,iPhone sabhi type ke smartphone ke liye available hai or sabhi me good work karta hai.

7. Enable Mobile Saving Feature and Set Limit:

Lagbhag har smartphone android phone me data saving feature hot hai. Jiski help se aap data limit set kar sakte ho. Aap apne phone ki settings >> more option me ja kar dekhe mobile usage ke option me ye feature mil jayega. Aap yaha monthly, weekly ya daily mobile internet data limit set kar sakte ho.

8. Turn off Wi-Fi Assist Feature:

iOS 9 me WIFI Assist feature hota hai jo already activate rahta hai. Isme jab aap wifi se mobile me koi downloading karte ho to wi-fi signal low, loose wifi connectivity situation hone par ye automatically active ho jata hai or mobile cellular data ko enable kar deta hai. Aap ise disable karke bhi cellular data save kar sakte ho.

Is feature ko disable karne ke liye aapko phone ki settings >> cellular option me ja kar Wi-Fi assist option band karna hoga.

9. Active Data Compression Feature:

Bahut se browser or apps me data compression feature hota hai. Inme aap image and video compression kam karke bhi data save kar sakte hai. Example ke liye UC browser me data compression ka feature hota hai. Ise main check kar chuak hu. Aap UC browser ki setting me ja kar image quality set kar sate hai.

Aapko isme 3 option milenge Low, Medium and High aap medium ya low option enable karke 50% data save kar sate hai.

10. Use Greenify and Android Marashmallow:

Latest android operating system standby app ke sath aata hai. Ye un apps ko data istemal karne se rokta hai jinka istemal aap kabhi kabhi ya nahi karte ho. Sath hi ye aapko application ke data use karne par aapko push notification bhi dikhata hai. Ye setting android M device me pahle se active rahti hai.

Agar aapke pas old handset hai or aapke mobile me ye feature nahi hai to aap Greenify App ka istemal kar sakte ho. Iski help se aap extra apps ko sleep mode par set kar sakte ho.

Inke alawa bhi aap facebook intant articels, RSS feed readers, Ad blocker, jaise kei tarike istemal karke mobile internet sata save akr sakte ho. Bahut se apps aapko offline content padhne ki service dete hai. Aap unka bhi istemal kar sakte ho.

• Jio 4G Sim Se Computer Laptop Me Free Internet Chalane Ki Best Tips
• Smart Phone Kar Sakta Hai Ye 10 Kaam Kya Aap Ne Try Kiya Hai

I hope aapko yaha btayi gaye mobiel data saving tips pasand aayegi. Agar aapke pas inke alawa koi or tips hai jise mobile internet data save karke internet connection bill kam kiya ja sakta hai to aap comment me uske bare me bta kar humare readers ki help kar sakte hai.

Thanks for reading this post.