Support Me India

Website Blog Me Hreflang Tag Kyu or Kaise Use Kare

by: ,

International targeting me country and language 2 type se audience ko target kiya jata hai. Agar aap multi-language site run karte hai to ye aapke liye bahut hi jaruri hai. Multiple language wali site Hreflang attribute istemal hota hai but newbie bloggers ko site me Hreflang tag use karne ki jankari nahi hoti jisse wo language preference ke according blog pages ko target nahi kar pate hai. Aaj main aapko isi problem ka solution btane wala hu ki blog me hreflang tag kyo use kare, Website Me Hreflang Attribute Kaise Use Kare?

Hreflang Tag Use Kaise Kare

Hreflang tags ka istemal multi-regional and multilingual sites me kiya jata hai. Google ko site content ke alag alag language ke content ki jankari ke liye hum rel=”alternate” or hreflang=”x” attributes ka istemal karte hai taki google har basha ke page ko samajh sake.

Aap apne main content ko single language me write kar sakte ho or use translate kar multiple language me alag alag content ki tarah publish kar sakte ho. Example, aapne news sites me dekha hoga unke navigation me kai local language me option hote hai jin par click karke unki language change ho jati hai. Actually, unki language change nahi hoti pura content hi change hota hai bas sabhi jagah same content hota.

Yani aap ek content ko kai languages me translate kar likh sakte ho but uske liye aapko google ko btana hoga ki aapki site par kitni language istemal hoti hai. Iske liye aap hreflang tag use kar sakte ho.

Website Me Hreflang Tag Kaise Use Kare

Jab aap 2 ya 2 se jyada different domain par same content ko multi-language me publish karte hai to aapko iski jarurat nahi hoti magar jab aap same domain par kai bhashao me ek hi content ko publish karte ho to google ko ye problem hoti hai ki kis content ko kis language ke users ko dikhana hai.

Iske liye hreflang tags ka istemal karke google ko ye btaya jata hai ki is site par ye sab language ke content milenge or kis language ke content ko kin visitors ko dikhana hai. Ye koi hard work nahi hai. Aap search console tools ki help se kuch hi seconds me ye kaam finish kar sakte ho.

Aap ek website owner ya blogger ho to aapne google webmaster tools ka istemal jarur kiya hoga. Google webmaster tool me Search Traffic >> International Targeting option par language par aapko “Your site has no hreflang tags” error dikhayi dega.

Hreflang attribute error in search console

Agar aap hinglish ya multiple language me content write karte ho to aapko search console me ye error mil jayega. Actually, newbie ko iske bare me jankari nahi hoti hai or wo is par focus nahi karta or na hi wo iska istemal karta hai. Main aapko bta du ki agar aapki site par ek se jyada language use hoti hai to aapko hreflang tag istemal karna chahiye.

Hreflang Tag Kya Hai

Hreflang tag website pages ko mark up karne ki ek aesi method hai jisse hum search engines ko content ki different language and religion ke bare me bta sakte hai. Aap three type se hreflang tag ka istemal kar sakte ho.

Dusri basha me hreflang tag ek code hai jo same content ke multi-language me hone ke bare me  search engines ko jankari deta hai ki kis language ke liye kis URL wale content ko show karna hai.

  • En-us and en-gb: Religion variations content ke liye.
  • En, in, and fr: Multiple language wale content ke liye.
  • Different languages and religions variations: Dono ke liye dono attribute ko ek sath use kar sakte hai.

Fo example, aapne ek article english me likha or fir usi article ko same content ke sath hindi, french and Spanish me translate kar diya to google ko ye btana jaruri hai ki english user ko konsa content or hindi user ko konsa content show karna hai.

Hreflang Tag Ka Istemal Kaise Kare

Humari site par multiple language me content share kiya jata hai. Mostly aesa news sites me hota hai or aapme se bahut se log uews site run karte hai. So sabhi language ke content ko google me top par lane yani content ki search rank better banane ke liye site me hfrelang tag use karna behtar hota hai.

Hreflang tag main aapko apni site ki bhasha ke sath country code bhi add karna hai. Jaise aapki site hindi me hai aur location india hai to aap hreflang="hi-in" hreflang tag use karoge.

For example,

  • <link rel="alternate" href="https://example.com/" hreflang="en-in" />

Ye meta code aapko apni website me <header> section me add karna hai. Direct upar btaya code copy karke paste nahi karna hai isme se aapki site ki jo language hai wo bhi add karni hai.

Agar aapko Hreflang samajh nahi aa raha hai to no worry main aapko Hreflang tags generator ke bare me bta deta hu.

Hreflang Tags Generate Kaise Kare

Hreflang tag generate karne ke liye aap Hreflang Tags Generator Tool par jaye or ye steps follow kare.

Hreflang Tags Generator Tools

  1. Apni site ka domain URL add kare.
  2. Apni site ki Language select kare.
  3. Country select kare.
  4. Agar aapki site par ek se jyada language me content hai to aap additional language aur country add kar sakte ho.
  5. HTML Meta tag generate karne ke liye “Tags to include in the head area of the pages HTML” option select kare.
  6. Hreflang tags generate kare.
  7. Ab yaha aap apne site ke liye hreflag code dekh sakte hai. Ise copy kar apni site ke <head> section me add kar le.

Agar aapko abhi bhi doubt hai ki kya ye hreflag tag code sahi hai to aap apni site ka hreflag tag check bhi kar sakte ho. Iske liye aap hreflang tag testing tool ka istemal kare.

Hreflang Tag Use Karne Se Kya Fayda Hai

Main aapko hreflang tags ke bare me kyo bta raha hu or aap ye sab kyu sun rahe hai. Mera matlab isse aapko kya fayda hai ye bhi jaan lena jaruri hai. Sabse bada sawal hai iske SEO me kya benefits hai kyuki hum better SEO ke liye hi iska istemal karna chahenge taki humari site ki search rank improve ho sake.

First or sabse important bat agar aap multiple language me content likhte ho or aapka plan same content se 2 different language yani religion location ke audience ko target karne ya 2 different country ke ke visitors ko target karne ka hai to aapko hreflang tag ki jarurat hogi.

Hreflang attribute use karne se 2 big benfits hai jo is parkar hai.

  • Increase Search Ranking: Hreflang tag ke istemal se aap apni site kie multilingual content ke bare me search engines ko bta sakte hai jisse search engines usi language ke user ko aapka content show karenge. Matlab koi agsr hindi me search karega to google use aapka english content na dikha kar sirf hindi ka content hi dikhayega.
  • Avoid Duplicate Content Issue: Hu msab jante hai ki same content ko multiple language me likhne se duplicate content problem ho sakti hai.Google ko ye samjhne me problem hoti hai ki aapka original content konsa hai ya fir ye content aapka hi hai ya koi or aapki copy kar raha hai. Agar aap hreflang tag use karoge to aesa nahi hoga. Hreflang tag se ye sab confusing clear ho jati hai ki aapki site kitni language me content share karti hai.

In dono me sabse badi problem duplicate content ki problem hai. Jiska simple solution hai aap site me hreflang attribute istemal kare or is problem ko khatm kare taki aapki google search engine me achhi rank bani or kai bashao me content share karne se aapka user experience bhi bana rahe.

Conclusion,

Finally, agar aap soch rahe hai ki mujhe hreflang tag karna chahiye ya nahi to main aapko kahuga ki agar aapki site par multiple language me same content share kiya jata hai to aapko iska istemal karna chahiye.

I’m sure isse aapki site ki search ranking me fayda hoga or google aapki site ke content ko clearly samajh sakega or aapko achhi rank dega.

Agar aapko samajh nahi aaya ho ki hreflang attribute kaise istemal karna hai to aap iski adhik jankari ke liye Webiste Me Hreflang Tags Use Karne Ka Sahi Tarika article read kare ya fir comment me aap apna sawal puch sakte ho.

Agar aapko ye jankari pasand aaye to ise other bloggers ke sath share jarur kare taki wo bhi iske bare me jan sake.

Related Posts for You

Reader Interactions

Comments (72)

  1. Sir agr hum apni site pr only one Hinglish hi use kre to kya fir bhi esko add krna jruri hota h

    • Hinglish me 2 language ho gayi hindi+english so kar sakte ho.

  2. nice information

  3. Hello Sir aap mere kuchh sawal ka jawab dijiye.
    1. Jab me apne site Ko Google me search kar raha hoo to blogspot Wala dikh raha he, kam me custom domain dekhayi dega, custom domain bhi dekhayi deta he lekin me chahta hoo mera in Wala domain dekhayi de

    2. Mera site jab Google me dikh raha he or me uspe click karta hoo(post) me to 404 not found dikh raha he, Meine post Ka Permalink badla he. Is problem Ko solve kaise kare.

    3. Aapke site par jyada comment Karne se Seo Ka Koyi khatra nahi he.

    Mera new blog he please Dekhe mere post likhne Ka style or mera blog kaisa he

    • 1. wait aapka .in wala domain hi dikhayi dega.
      2. 404 page ko google kuch din ya time bad fix kar dega aap kuch mat karo.
      3. Yes unrelated comment nahi karni chahiye psot se related karo.

  4. maine ek adsense ke ad related post ke niche laga rakhe hai koi problem to nahi hogi.

    • No problem

  5. maine godaddy se managed wordpress hosting ka basic plan kharida jisme mujhe cpanel to nahi mila lekin 1 click wordpress direct installation mila maine instal kar liya phir pata nahi kyo mujhe lag raha hai ki mujhe wordpress.com mila hai ya wordpress.org kyoki jab mai post likhta hu to mujhe hading wagarah ko color me karne ka opstion nahi milta.

    aur aapke comment reply mujhe aur blog se jaldi milta hai lekin pata nahi mera comment opproved nahi hota kya kyo pichhle baar maine comment kiya mujhe dubara na to mera comment dikha ya na reply ya ho sakta hai reply aur aprovel der se huaa ho aur mera comment bhid me kho gaya ho oh..
    lagta hai maine kuchh jayada hi bada comment likh diya agar aur koi vajah ho to batayiga lekin upar walw quesion ka javab jarur de

    • No worry aapko wordpress.org hi mila hai aap comment karne ke bad pagfe refresh karke check kiya kare taki aapki comment show ho sake.

  6. Hello Sir Mai Meri Websites Ka Domain Name Change Karna Chhata hu Kishi Wajha se Toh Bina Traffic Losing Ke Domain Exchange Ho Sakta hai kya ???

    • ye bilkul ho sakta hai kuch english blog me aapko is type ki post mil jayegi. jisme domain change karne ke bad old domain ke traffic ko new domain par redirect kar diya jata hai. But yaad rakho domain change karna bilkul wese hi hai jaise fir se shuruat karna.

  7. Nice info sir hreflang tag ke bare me mujhe aaj hi pata chala . Really yah kaafi kaam ka chij hai.

  8. Bahut accha Post likha apne, Mujhe ek aur jankari chahiye. Jab bhi hum Post me koi Link Use karte hai to Best Anchor text kaise Use kare

    • Like aap koi link add kar rahe ho to use example.com type se nahi kisi text ke sath use karo. For example mujhe blog banane ka link add karna hai to example.com/create-blog/ nahi How to create blog text use karna hai.

  9. Nice article very well explained about ahref tag

  10. Bro……. ab ye batao ki, meri ek site hai usme me pahle hinglish me likhta tha, usme 300 article hinglish me hai…………………. but ab usme me hindi me likh raha hu, usme lagbhage 60 article Hindi me hai. ab mera traffice aadha ho gya hai takreeban 2 mahine se………………………….. to me ye janana chahta hu ki, kya jo aapne bataya hai hreflang wo mujhe karna chahiye kya……………… mere hinglish aur hindi content alag alag hai.

    • Yes aap defualt ya hreflang=”en-hi” hreflang tag use kar sakte ho.

  11. Bhut achhi jankari. New Blogger ke liye Aisa Jankariyan bhut jruri h. Ummid karta aap aage isse bhi achhi achhi post humare sath share karenge.
    Thanks!

  12. aap custom ad unit ko respinsive kaise banate ho? kyu ki mai jab aapki site par lappy se visit karta hu to header me 728×90 size ka ad dikhta hai. aur jab mobile me open karta hu to ye ad cut hokar nahi dikhta yani ki mobile screen me adjust ho jata hai.
    jabki jab mai apni site ko mobile me open karta hu to ads content area ke bahar show hote hai.

    • Ye responsive ad unit hai.

  13. Kya baat hai bhai bahut achchi jaankari di hai
    Thanks

  14. Jumdeen bhai nice post bhai ye batayo ki aap uper fixed nav and header ke liye kon sa plugin use karte hai

    • No plugin ye sab plugins se ho jata hai.

  15. dear sir I am Rakesh Prajapati
    I am handicap
    Mujhe aap kuchh aisa work bataiye jo mai home based per kar sakata hu,
    Mujhe internet ka bahut gyan hai

    • Please read my make money category articles.

  16. Oh..!! Bro, Aapne Bahot Hi Helpful Information Share Ki Hai. agar aapke Blog Me Ek hi Article ko multiple Language me publish karna hai to hreflang use karna hai, ek hi website me multiple language me nahi . right ?

  17. Sir kya main ek website mein 2 ya usse jayda languages ise kar sakata hun or jaose Hindi-Hinglish-English.

    • Yes kar sakte ho.

  18. sir meri website ka kuch part hinglish mein hai or kuch Hindi mein to main issey kaise use karu.

    • Aap default ya hreflang=”en-hi” use karo.

      • jume deen khan, bro aap hreflang =”en-hi” ka full code likh doge

        • Same yahi hai bas en-hi hi change karna hai.

  19. Bahut Hi Acchi Article hai un Bloggers ke liye jo Multi language use karte hai

  20. Hello bro ..website pe YouTube video add krne se blog ki speed down ho jati hai aisa kuch tarika batao ki speed kam n ho

    • Good question iske liye aapko youtube videos ko post me content load hone ke bad load karna hai ya fir video par click karne ke bad video load hona chahiye. Iske liye aap script ya fir plugins ka istemal karo.