Main Blogging Ko Itna Pasand Kyu Karta Hu (Why Do I Love Blogging)

Jab aap learn ke sath earn karna chahate ho to blogging sabse badiya tarika hai. Agar aap dil se blogging karte ho to aap har din kuch naya sikhte ho. Is post me main aapko “Main Blogging Se Itna Pyar Kyu Karta Hu” ke bare me btane wala hu.

Main kai kai din tak sota nahi hu, Blogging meri life me itna important kyo hai kyu main blogging ko girlfriend se bhi jyada pasand karta hu. Is sabhi sawalo ke jawab aapko is article me mil jayenge.

• Why Do I Blogging – Main Blogging Kyu Karta Hu

Hume har wo cheaz achhi lagti hai jo humari ichao ko pura karti ho fir chahe wo koi insan ya koi aur cheez ho sakti hai. Blogging ki jagah bhi meri life me kuch aesi hi hai. Chaliye jante hai blogging mere liye kitna important hai?

Why Do I Love Blogging – Mere Blogging Karne Ki 10 Wajah

Sabse badi baat blogging ne mujhe ek good writer bana diya itna ki aaj main kisi bhi topic par ghanto likh sakta hu. Mujhe kabhi blogging se boring nahi hui kyuki isne mujhe ye sab diya hai.

1. I Strengthened Self-confidence

Sabse badi bat blogging ne mujhe apne aap par wishwas karna sikha diya. Main jab bhi koi kaam karta hu to puri lagan se karta hu is ummid se ki mujhe usme 100% success milegi. Blogging me se hi maine ye sab sikha aur apne self-confidence ko majboot banaya.

Jab bhi mujhe kahi koi problem huyi to maine uske liye ek blogger se help mangi to usne time na hone ka bahana bana kar ignore kar diya aur ek ne to iske liye pay karne ke liye kah diya.

After that, maine decide kiya ki jis kaam ke liye main help le raha hu usi kaam ko sikh kar khud karna hai aur un logo ko ye btana hai ki unke bina me kamyaab ho sakte hai.

Blog design, SEO, theme, customizing, editing etc. sabke liye knowledge & experience ki jarurat thi maine ye sab sikha aur kiya.

2. Made Me Hard

Blogging se pahle shayad main thoda aalsi hua karta tha par din-raat blog par work karne ke bad mujhe hard work karne ki aadat ho gayi hai. Itni ki ab main koi bhi kaam karu to usme thakta nahi hu.

Sabse achhi bat content writing se meri soch itni badal gayi ki main koi bhi kaam karne me dil-dimaag laga deta hu. Natizan kabhi boring nahi hoti aur ye dimag me nahi aata ki main haar jaunga.

Dhoop me saara din hal chalane ki tarah main bhi sara din hard work kar chuka hu. Ye koi example nahi balki main ye azma chuka hu.

3. I Get to Help Others

Har koi chahata hai ki wo kisi aur ki madad kare. Bachpan se mera bhi yahi sapna tha ki koi aesa kaam karna hai jisse main har roz kuch logo ki madad kar saku.

Blogging iske liye perfect hai. Mujhe har roz naye logo ki help karne ka mauka milta hai. Naye naye logo se milta hu aur jitna mujhse hota hai unki help karta hu.

4. I Can Use My All Skills

Jab hum koi job karte hai jo apni company, boss ya fix salary ki wajah se apni full skills ka istemal nahi kar pate hai. Blogging me aap wo sab kar sakte ho jo sab aapko aata hai. Aap jitni mehanat karte ho utni hi tarakki karte ho.

Mujhe WordPress setup, SEO, CSS, HTML, Customization, Ad Placement, Design, Optimize Site to Better Performance etc. ki basic knowledge thi. Maine ye sab khud hi kiya jiski wajah se mujhe kabhi kisi developer ya designer ki jarurat nahi padi.

5. Got Many Great Friends

I know offline friends important hote hai lekin jab aap internet par online work karte ho to online social friends jaruri hote hai. Blogging aapke liye bahut sare good friends bana deti hai. Yaha bahut sare log hai jo mere sath sikhte hai aur mujhe support karte hai.

Ye ahsaas mujhe tab hua jab kisi ne mere khilap facebook par post dali aur us pare sare comment mere support me the. Jab koi aapko follow karta hai to kaisa feel hota hai ye ahsas mujhe pata hai.

6. So Much Earnings – No need of Job

Maine study table se blogging ki shuruaat ki thi aur bad mai apna office bhi bana liya tha par ab main apne home par personal room me apne special table & PC ke sath blogging karta hu.

Blogging ne muhe itna pasia diya ki meri har jarurat puri ho sake aur mujhe kisi bhi tarah ki job karne ki jarurat na pade. Yahi main chahata tha, mujhe own boss ban kar kaam karna pasand tha blogging ne meri ye icha puri kar di.

Blogging se mujhe per month itna mil jata hai ki main apne aur apni family expenditure aasani se manage kar saku. Yakinan blogging ek bahut hi comfortable work hai.

7. I Learn Something New Everyday

Actually, mujhe kuch naya sikhna bahut pasand hai. Study time me main apni har ek books ko complete read karta tha. Mostly, stories books ko aur jab wo puri padh leta tha to papa se mili pocket money se books kharid kar padhta tha.

Mujhe bas padhna pasand tha. School, home har jagah mere hath me book hoti thi. Mujhe comincs padhne ka bahut shauk tha. Jab main 10th me tha to mere pas itni comics thi ki 4-5 boria bhar jaye.

Blogging me wo sabkuch tha. jab se blogging start ki hai us din se aaj tak har din kuch naya sikhta aur sikhata hu. Isi wajah se ye mera favorite aur interested work bhi hai.

8. I’m Happy with Blogging

Jaisa ki maine upar btaya hai ki hume wo sab cheeze pasand aati hai jo hume khush rakhti hai ya jinki wajah se hume khushi hoti hai. Mujhe blogging itna khush rakhti hai ki koi GF bhi itna nahi kar sakti.

Halanki kai bar mujhe ye rula bhi deti hai. Mujhe aaj bhi wo din yaad hai jab meri blogging se sabse jyada earning huyi thi us din maine sabko bta diya tha bad me mujhe is sabki aadat si ho gayi.

Jab koi mujhe kisi help ke liye thanks kahta hai to dil ko sukoon milta hai. Aap achhe se jante honge ki kisi se dua milne par kaisa feel hota hai. Mere liye wo moment anmol hote hai.

9. I am Totally Free

Mujhe kab likhna hai, kab kya karna hai, kab kaam karna hai, kya kaise karna hai. Ye ab main hi decide karta hu. Meri life me koi order dene wala nahi hai.

Office, boss, Time etc. kisi tarah ka koi bandahn nahi hai matlab main puri tarah se free hu. Jab chahe kahi ghumane ja sakta hu aur jab chahe kaam shuru kar sakta hu.

Mere liye aesi life kisi jannat se kab nahi hai. Mujhe aesi life dene ke liye blogging ko shukriya aur us allah ko bhi shukriya jisne meri life me ye sab likha.

10. I Live International Life

Agar main koi aur work karta to shayad hi door desh ke un logo se mil pata jinhe main ab janta hu. Shayad hi meri life me aesa koi din hota jab main other country ke person se mil pata ya baat kar pata.

Blogging ne ye sab aese kar diya ki mujhe pata hi nahi chala ki kahi door desh me mujhe pahchanne wale rahte hai. Ye blogging ki hi badaulat hai ki aaj mere UK, USA countries me bhi friends hai.

Mere liye ye international life hai. Apne PC ke samne baithne ke kuch time bad main is haseen duniya ke kis kone me hota hu bta nahi sakta.

Main blogging ko itna pasand kyu karta hu, ye btane ke liye reasons bahut hai words kam, isiliye main ise yahi khatm karta hu.

Finally, blogging meri life ki most important activities me se ek hai aur aaj main iske sath bahut khush hu itna ki main apni girlfriend ke sath bhi itna khush nahi hota.

• Also read: How I Gifted a Car to My Brother via Blogging
• Blogging Karne Ke Fayde or Nuksan (Blogging Pros and Cons)

Maine apne vichar aapke sath share kar diye ab aapki bari hai to chaliye bina puche bta dijiye ki aap blogging ko kitna pyar karte ho aur ye aapke liye kitni ahem hai.